【武漢肺炎】求診病人要求診所助護除口罩　更指「咁驚死就唔好做呢行」

武漢肺炎持續蔓延，站在最前線的醫護人員更應受人尊重。一名診所助護（網名：珍寶珠）早前在其社交平台分享，於工作期間遇到一名女性求診者要求其除掉口罩的經歷。

【武漢肺炎懶人包】
香港確診人數｜疫情地圖｜全球疫情｜病徵｜潛伏期｜預防方法｜口罩訂購攻略｜旅遊退票

「珍寶珠」講述，有一天有位女病人至其診所求醫。他們互相對望後，便問患者拿身份證作登記，但女病人望了她一會兒就說，「你戴晒口罩好驚咩？」。

她感到詫異，便隨即反問，「吓？喺診所戴口罩好正常？」。但對方竟然回應，「咁驚死就唔應該做呢行嘛，我入到嚟以為呢度啲人有咩重病呀」。

隨後，「珍寶珠」耐心解釋戴口罩是平常事，並叫女病人不要太緊張，又指如果她不舒服的話亦應該戴上口罩，更再次詢問女病人是否要看醫生。

?按此閱讀更多「武漢肺炎」資訊

怎料，女病人聽罷便用手掩住口鼻，稱「你咁樣我邊敢睇呀？」，而「珍寶珠」見狀只好表示有沒有其他事可以幫忙，卻又被女病人反問，「你可唔可以除咗個口罩先同我講嘢㗎？」

對此，「珍寶珠」表示自己是否說話不夠大聲，但女患者只是回應「冇嘢啦」便轉身離開，更說：「咁驚死就唔好做呢行呀嘛」。最後，「珍寶珠」於帖文表示自己只是打份工，無必要用生命硬接一切。

不少網友也紛紛於帖文下留言，指女病人的要求無理：「要唔驚死先可以做診所架？原來登記姑娘要死？」、「 Common Sense is not common」、「平時嘅診所都係個個帶哂口罩㗎啦」、「依家去到診所見到個姑娘無戴口罩先應該驚」。

延伸閱讀：
【武漢肺炎病徵】流感、傷風、新型冠狀病毒比較 　一文分辨患病徵狀

Text：UrbanLife Health Editorial
Photos：UrbanLife Health Editorial
Source：診所低能奇觀FB